На 21-ви, 22-ри и 23-ти септември во Штип ќе се одржи традиционалната манифестација ,,Штипска пастрмајлијада 2018”. Најавено е учеството на повеќе музичари од земјава и регионот, помеѓу кои Влатко Стефановски, Ван Гог, Амадеус бенд, Кристина Арнаудова, Дани Димитровска, Зоран Илиев, Јоце Панов, Либеро Бенд и други. Како главна музичка ѕвезда, на 22-ри пред публиката во Штип ќе настапи хрватската пејачка Северина, чиј хонорар се чува во тајност. Она што е познато е дека општината оваа година има издвоено 2.500.000 денари за оваа манифестација.
Советникот за јавни дејности во Општина Штип, Кирил Панајотов вели дека речиси се е подготвена за 12-то издание за манифестацијата, која и годинава ќе се одржи на добро познатата локација, кај кружниот тек кај Градскиот стадион.
На оваа локација ќе бидат поставени околу триесетина штандови од страна на угостителите, но и тезги каде што локални уметници ќе може да ги презентираат своите изработки. Утврдена е и цената на познатиот штипски гурамнски бренд. Панајотов вели дека цената е 120 денари и е иста како минатата година.
„На терен ќе има контроли, кои ќе утврдат дали угостителите отстапуваат од утврдените стандарди за подготовка на штипската пастрамајлија“, вели Панајотов.
Поврзани вести
Северина најгласна за 8-ми Март: „Да се биде жена, мајка, значи макотрпна и залудна загуба“ (фото)
Од временски неприлики до непријатност среде настап: На Северина не и тргна одрака, прво и „падна“ фризурара, а потоа незгодно беше и со панталоните (видео)
