Бившата ријалити учесничка Љуба Пантовиќ шокиреше со изјава: „До својата 17-та година се водев како машко, а за 18-тиот роденден добив покана да служам војска“ (ФОТО)

Поранешната ријалити учесничка  и фитнес инструкторка, Љуба Пантовиќ, раскажа како 17 години според документите се водела како машко, веројатно поради нејзиното име.

„Како што сите знаеме, никогаш не ги проверуваме нашите документи, регистарските броеви, под претпоставка дека се е направено правилно, повеќето луѓе не ни знаат што значат сите тие големи бројки во ЕМБГ. Знаат дека почеток е само датумот и годината на раѓање, но не знаат за другите бројки, па не знаев ни јас. Дознав на навистина смешен и необичен начин. Кога бев бремена со Александра, имав 17 години, секако отидов на прегледи, иако морам да признаам дека најмногу одев на приватни лекари, бидејќи сите знаеја дека тогаш веќе избегав од дома. Тогаш навистина не одев во здравствени домови, туку одев на редовни гинеколошки и прегледи на бременост и  имав здравствена книшка која беше заверена и никој никогаш не ме прашал и не рекол ништо“ – започнува Љуба и додава:

„Кога отидов на закажано пораѓање, тој ден бев на пријавница на породилиште за да ме примат како пациент, ги дадов сите мои податоци, лична карта, здравствена книшка и сето тоа е внесено во компјутерот и во моментот кога ги внесуваа моите податоци во компјутерот, медицинската сестра  ми рече дека навистина и е жал, но дека немам здравствено осигурување за породување. Се збунив во моментот, мислев дека можеби треба да се доплати, но реков: „Боже, нели е тоа здравствено осигурување, па сите жени одат и се породуваат на најнормален начин во болница“.

„Чекај да погледнам, но тука има проблем, не постоиш овде во евиденцијата, како што кажуваш дека се викаш Љуба Пантовиќ, со твоите податоци нема такво име. И тогаш жената детално ги погледна моите податоци и само во еден момент почна да се смее и рече: „Боже мој, имаш машки матичен број.“ На што јас реков: „Чекај, каков машки матичен број, јас  не сум  машко?“ Потоа ми објасни што значи  бројот 710 – седум е Белград, а 10 е машко и дека 715 е шифрата за девојчињата родени во Белград и со нежна насмевка ми кажа дека цели 17 години се водам како маж!“

Таа продолжува да зборува за тоа како била повикана во војска кога наполнила 18 години.

Најсмешно ми беше за осумнаесеттиот роденден, т.е. кога наполнив 18 години на адресата на татко ми, бидејќи се водев дека живеам таму, добив покана од Воениот отсек за полнолетниот господин Љуба Пантовиќ да се јави таму на прегледи и Военото одделение да го регулира за служење воен рок“ – вели таа и додава:

„Татко ми, како што го дал Бог духовит,  однесе грст мои слики од натпревари и рече дека со гордост ќе го претстави својот син на Военото одделение, а потоа ми кажа дека сит таму паднале од смеа и биле зачудени колку убав и женствен бил неговиот син“ – резимира Пантовиќ.

Фото: Инстаграм принтскрин/ifbb_pro_ljuba_pantovic